ഓണക്കവിതകൾ.

🌻

ഓണബാല്യം.

ഓർമകളിലെ ഓണക്കാലം

ഒരു വർണവരിക്കവിതയായിരുന്നു.

വർഷം തോറും വിരുന്നെത്തുന്ന

അവധിപ്പൂക്കാലം!

ആൺകൂട്ടും പെൺകൂട്ടും

ഗൃഹാങ്കാണങ്ങളും

ഒരുമിച്ചിരുന്നൊന്നിച്ചെഴുതിയ

ഹൃദ്യമാമൊരൊറ്റവരിക്കവിത!!

🌻

ഗൃഹാതുരം.

കാലമേ, ബാല്യം നീയെടുത്തപ്പോൾ

എനിക്കു കൈമോശം വന്നത്

ഇഷ്ടങ്ങളും ഇഷ്ടക്കാരുമൊത്ത്

ഏറെ വർണവൈവിദ്ധ്യങ്ങളോടെ,

ഗഗനാങ്കണത്തിലേക്ക്

ഒരുമിച്ച് പറക്കാൻ കെല്പുണ്ടായിരുന്ന

എന്റെ പ്രിയ മനസ്സാണ് !

🟧 റഹ്മാൻ ചോറ്റൂർ.

      കവി.